Nemesio Etxaniz, 1967
Lurperatu digute
Patxi Arlote.
Pobrea zan da, haren iltzeak
ez du kezka haundirik sortu.
Haragiz urri, berehalaxe
zainak zaizkio gogortu.
Hezur huts zegon gizajoari
arnasa zaio agortu.
Lurperatu digute
Patxi Arlote.
Etxean norbait utzi beharko
haur txikienak zaitzeko
seme-alaba nagusienak
ez daude eskolarako.
Berriro ere, pobreen haurrak
astirik ez ikasteko.
Lurperatu digute
Patxi Arlote.
Pobre kontuak horrela dira,
gure gizarte honetan
zuzenbiderik ez da agiri,
zertan hasi negarretan?
Pobre arlote hoien malkoak
ahaztuko dira lanetan.
Lurperatu digute
Patxi Arlote.
