Su Ta Gar + Nikotina

Kontzertua

30 urte baino gehiago dira Su Ta Gar talde aitzindaria zuzenekoak ematen hasi zela.  Euskal Herrian heavya euskalduntzea lortu zuen taldea da Eibarrekoa. Diskografia oparoa batu du taldeak, eta oholtzan indartsu ageri da egun ere.

Nikotina taldeak, berriz, rap, reggae eta dancehall doinuak lotzen ditu errima eta erritmo dotorez. 2018an kaleratu zuen bandak lehenengo diskoa, eta joan den neguan eman zuen bigarrena: Nirbana.  Zuzenekoetan hiruko gisa agertzen da proiektua: Jon Tolosa (ahots nagusia), Keif (ahotsa) eta Little Martin Selektha (platerak).