‘Postdatarik gabeko gutunak’ (estreinaldia)

Mikelek 5 urte eman ditu preso, eta ordu bete geratzen zaio bizimodu berri bat hasteko. Ordu bete hau inoiz parez pare ezagutu ez duen igorle misteriotsu bati eskainiko dio. Izan ere, azken hilabetetan gutun misteriotsu batzuk jaso ditu bere burua identifikatu ez duen norbaiten partetik. Eskutitz guztiek ezaugarri bera dute; postdataren lekua hutsik uzten du idazleak.

Charlotez jantzitako pianista mutu baten laguntzaz, bere bizitzaren errepaso bat egingo du jasotako gutunak gogoratuz, igorle misteriotsua nor den jakin arte.

Xake konpainiak ekoitzi eta Getari Etxegaraik zuzendu du Kepa Errastiren obra hau. Aktore lanetan ari dira: Errasti bera eta Nerea Ariznabarreta.