- This event has passed.
Mauleko gazteen maskarada
2023-01-14 @ 15:30 - 17:30
Herri antzerkia
Maskaradak talde ekimena dira, eta aurtengoan Mauleko gazteek hartu dute aurtengo maskarada antolatzeko lana. 30 bat dira, 13 eta 32 urte artekoak. Horietarik askok Belako Zaldüna pastoralean parte hartu zuten 2018an, dantzan eta kantuz. Eta esperientzia kolektibo horren ondotik erabaki zuten maskarada prestatzea.
Hilabete luzeetan, dantza eta kantuak landu dituzte, eta orain dela hilabete bat, Gorrien eta Beltzen taldeetan banatu dira. Gaur emango dute lehen aldiz, eta datozen 14 asteotan Zuberoako hainbat herritan arituko dira.