‘Kax, kax, kax!’

Kax-kax-kax! Nor da? Txiste baten hasiera.

Kax-kax-kax! Nor da? Urak apurtu eta banator mundura.

Kax-kax-kax! Nor da? Beste ate bat. Eta beste bat.

Kax- kax-kax! Nor da? Atea igarotzera goaz baina oina geratzen zaigu atrapatuta.

Kax-kax-kax edo kar-kar-kar? Atea jo dut eta ireki egin da. Nor da? Barrutik ari nintzen deika.

Katixa Agirre eta Maite Larburu ateen bueltan ibiliko dira, kontu eta kantu. Baina nork kantatuko du zer? Nork kontatu? Kantuak kontu, lurrikaren ostean ateburuak besterik ez dira geratzen zutik. Hala dio esamolde zaharrak.