- ekitaldia hau amaitu da.
‘Kanpora sartzen’
2023-05-12 @ 20:30 - 22:00
Antzerkia
Aitziber Garmendiak zuzendu du Txalo konpainiaren ekoizpen hau. Xabin Fernandez Zubeldia eta Intza Alkain Ibarguren aktoreen bitartez, sentimendu gordinenen eta umorearen arteko oreka bilatzen duen istorioa kontatzen du obrak: 2013ko martxoaren 11n, Xabinek seropositiboa zela jakin zuen; egun hartan, dena aldatu zen. Hamar urteren ostean, Xabin eta birusaren arteko harremanaz hitz egiteko garaia iritsi da. Lan honetan bere elkarbizitzaren lekuko izango gara, azken hamarkadan gertatutako pasadizoak errepasatuko ditugu. Pilulak, estigma, lotsa, kontsultak, beldurra, errua, bakardadea, osasun mentala, terapia, pandemia… Nola eragin du birusaren etorrerak Xabinen eguneroko bizitzan?