‘Ipuina engainua da’

Iban Zalduaren ipuin-bilduma berriak bi berezitasun ditu aurrekoaren aldean: bilduma potoloagoa dela eta aldi berean ipuin gutxiago dituela (hamazazpi). Gaiak, berriz, askotarikoak, Zalduaren unibertsoa osatzen dutenak gehienbat: bikote-arazoak, adulterioak, guraso eta seme-alaben arteko gorabeherak, kontu fantastiko zenbait, zientzia-fikzio apur bat, sare sozialetako jardueraren parodia, gizarte-kritika, pop musikaren mundua, eta baita metaliteratura ere, ipuinari berari buruzko teoriak barne.