‘eRRe. Aldarri bat bertsoz’

Diziplina arteko emanaldia

Haizea Arana, Oihana Arana, Aner Euzkitze eta Leire Vargas gazteek ondutako ikuskizuna da eRRe. Aldarri bat bertsoz, bertsolaritza abiapuntu eta marko gisa hartuz antzerkiarekin, narrazioarekin, poesiarekin eta musikarekin uztartua. Dikotomien logikan arakatzeko saioa da ikuskizuna, gizartea antolatzen duten dualismoak abiapuntu hartuta, genero ikuspegia ardatz:  LGTB+ kolektiboak arauaren baitan hartzen duen lekua, gazte izatearekin lotutako zapalkuntzak, botere harremanak… Lankuk ekoitzi du eta Edurne Azkaratek zuzendu.