Anonyme Popular

Ikus-entzunezko bertso jarriak

Igor Elortza bertsolariaren proiektua da hau, eta Rafa Rueda eta Alvaro Olaetxea musikarial ditu lagun oholtzan. Bere izenean eta besteren abizenean arituz, nitasun garaikide ertzdun bat dakar hitzetara Elortzak, gutasun lanbrotsu baten erdian. Bertsoen hitzaren eta ahotsaren jarrera bereizgarri berekoak dira Rafa Ruedarekin landu dituen doinuak eta soinuak ere. Rapa, trapa, popa, funkya, mundurako erritmoak… Bertso-kantari aurkituko da sorpresaz entzulea, aldiro, aldiaren kontraesanetara ertz ezberdinetik hurbiltzeko.