‘Amaiur!’

Komiki aurkezpena

Amaiurko herrian, Nafarroa Garaian, bada bertan gaztelu bat izan zena oroitzeko monolitoa. Erresistentzia eta identitatearen ikur bihurtua da Amaiur, nafarren herriaren konkistaren pasarterik esanguratsuenetako bat gertatu zelako bertan: Europako armadarik modernoenak setiatu zuen Amaiurko gaztelua, Gaztelakoak, 7.000 gizon erabiliz horretarako. 200 nafarrek egin zioten aurre, eta urtebetez iraun zuten, duela 500 urte errenditu ziren arte. Komikia egin du horri buruz Asisko Urmenetak, eta Erroa argitaletxeak argitaratu.